قلبى الى حبك للشاعر محمود الخواجه
قلبى اللي حبك بيناديكي حالف يشيلك جوه قلبه وعمر صورتك ما تجافيه .. حالف ليشتاقلك ليلاتي وتفضلي دايما طول الليالي ساكنه فيه .. كلامي ليكى ومش لغيرك يا حب مالي دنيتي حب مش قادر عليه .. حبى ليكى حب صادق باين عليا برقته و مش عارف بجد أعمله أيه .. حب جبار بيناديني أحكى أيه وأقول ده سحره باين من عنيه .. ساعة ما عني بتبعدى باروح بسرعة للقمر فى السما وأنده عليه .. أصل القمر في ليلة شتا وعدني نسهر إحنا وانتي ووعده كان مكتوب عليه .. حالف بإيده يرجعك لويوم نويتى عالبعاد وسيبتي إيدك من إيديه .. ويوم ماغبتي عن عيوني اشتقتلك والقلب تايه وسهدي بيدلك عليه .. جريت مره أشتكيلك غربتي لقيت القلب مهموم يشتكيلك من حب ضيعتيه من بين إيديه .
كلماتي : محمود الخواجه
ليست هناك تعليقات:
إرسال تعليق