قصيده نبضات للشاعر ابراهيم فهمى

نبضات
،،،،،،،،،،،،،،،،،،

ولو دارت بنا الأيام
ورجعت تبتدى تانى
وخدت من الخيال أحلام
أمنّى بيها وجدانى
واخطّط فى الورق قصّه
ما فيها طعم أحزانى
واصوغ الكلمه والكلمه
نغم يِسْرى ف شريانى
واقول بالصورة والمعنى
كلام ف الحب أحيانى
أنا يا طير بقول زيّك
يا ريت الظلم ينسانى
واعيش فى الفضا حلمى
تضم الفرحه أحضانى
واقول أنسى ياريت أنسى
وأقدر أبتدى تانى ،،،،،،،
بقلم / إبراهيم فهمى المحامى