- انا القلب اللى حرقه الشوق.
- وانا العين اللى طرفت شوك
- انا الموجود و ماله وجود
- فحياتكم .
- انا "الموعود".
- *
- انا الفرح اللى مكملشى
- و انا الشبل اللى مقدرشى
- يكمل حلم متعطل
- بقاله سنين بيتحضر
- فى ملك أُسود
- ****
- فحياتكم انا "الموعود" .
- ****
- انا المرفوض بشريعتكم
- انا الأزمه اللى جار بيتكم
- انا الذنب اللى مش ذنبه
- أبات الليل سريرى رصيف
- ومتلحف لحاف كرتون
- انا النايم وجنبى عمود
- منا الموعود .
- ***
- انا العقده اللى ف المنشار
- انا الفم اللى حلقه مرار
- انا الفرد اللى فلفص طار .
- بعيد عن لسع قسوتكم .
- أنا الموعود .
- ***
- انا اللى جعان ف افراحكم
- انا المنسى فى لمتكم
- انا الغلطان وانا المسمار
- انا الغلطان لجنابكم
- و
- انا المسمار فنعوشكم
- وفى يوم راح "اكبر واضربكم"
- ما انا الموعود .
جريده/شعريه,ثقافيه,أدبيه,فنيه,متنوعه
الخميس، 28 يناير 2016
الموعود ******** بقلمى بهاء اللبودى
الاشتراك في:
تعليقات الرسالة (Atom)
ليست هناك تعليقات:
إرسال تعليق