بيتخنق صوتي ..بقلم اشرف احمد

بيتخنق صوتي .. 
من الآنين .. 
ومن الآه .. والألم ..
وبيهرب الكلام .. 
من على لساني .. 
ومن قلبي ..
ومن سطور .. 
صبحت فاضيه ..
بعد ما إعتكف .. 
في إيدي القلم ..
================
وبتتلخبط في رآسي .. 
الآفكار .. 
والإنهزام بيحاصرني ..
وبياخدني الإنكسار .. 
وتصعب عليا روحي .. 
وأنا بحاسبها وتحاسبني ..
إزاى فرط في حياتي .. 
وإزاى هانت عليـا ..
إزاى عمري .. 
معرفتش أعيشه .. 
وإزاى ضيعته بإيديا ..
وإزاى .. 
سبت نفسي ..لحاجات
لحد ما كل الحاجات ..
ضاعت مني ..
================
ياترى هقدر .. 
ألحق حاجه في الدنيا
وألقى فيها .. 
شيئ فاضلي ..
ياترى بعد حساب .. 
نفسي .. لنفسي ..
هعرف .. 
قيمه الحياه ..
واعرف .. قيمه عمري ..
هعمل إللي عليا .. 
وأحاول ..
يمكن المحاولة .. 
تنصفني ..
يمكن الجاى .. 
يروقلي ..