( ضرب الودع )
وضربت في يوم الودع
جاني الندا من صاحب البدع
وقعدت مكتوف الإيدين
حاطط بإيدي عالجبين
وف لحظة بصيت بالعنين
شاور بإيده
دا مكان الوجع
القلب طول عمره حزين
لساه بيوزن حبتين
الدنيا ما فيهاش الدلع
والآهه تطلع من هلع
لساك صغير
لكن عنيك والله تحير
أنا تهت فيهم يا جدع
يلا أوام
حالا يا مستخبي تبان
مش عارف انطق
دي الحالة جواها صرع
شايف بعيني ومش مصدق
دول نخلتين
وجريد بيتهز حبيتين
عليه بتتمد الإيدين
مع إن طرحه ما يتبلع
صووووووت يتسمع
اسمك يقول أنك حزين طول السنين
ملمح صبية بتنحني لاجل الشبع
غمض عينيك يمكن تتوه عن دنيتك
بص ف عنية وقتها
وف لحظة بسمع الأدان
يارب كل المستخبي قرب يبان
أنا شفتها ...أنا شفتها
لاء واتنفض من مكانه
إوصف إحكي عنها
بصت وقالت ما يتحكيش
أصل وجودي من مافيش
قوم يلا صلي
ولقيتها ساجدة لربها
خدت بإيدي وقتها
أنا منها ....أنا منها
بقلمي // الهام شرف
ليست هناك تعليقات:
إرسال تعليق