لسه فاكر بقلم الشاعر ...عادل سيف

لسه فاكر
واحنا لسه صغيرين
كنت يا دوبك ساعتها.
سبع سنييين
كانت قلوبنا صغيرة
بس طارحة منورة
فل علي ياسمين
واحنا لسة صغيرين
كنت حابب بنت شقرا
بس كانت عيلتي فقرا
كنت اروح لأبويا اقوله
هاتلي يابا طقم حلو
كان يرد عليا دايما
نفسي اجيبلك كل حلو
نفسي مبقي فيوم مقصر
بس انا موظف صغير
بكره تتعدل وفاضل
عالمعاش حبه يا عادل
قلت بس اوعدني يابا
لما تاخد الفلوس
تجيبلي طقم حلو يابا
نفسي يوم ع الفقر ادوس
رد ابويا ساعتها قال
الرضا جوه النفوس..