أدعو له .... بقلم الشاعر سعيد عبد القادر السيد

# أدعو له #

أدعو له في الحرم
يا رايحين الحرم
أدعو له يروح ما يرجع
اللي للناس ظلم
أدعو له في الحرم
دنيا مش مستاهله
عيشنها كدا بالعافيه
على غفله روحنا تطلع
للي خالقنا أولى
أدعو له في الحرم
أخلاقنا بقت وحشه
ناكل ننكر و ننسى
كل معامله حلوه
من ناس كدا تحترم
أدعو له في الحرم
ظالم و ناسي ربه
هو اللي خلقه
بأيده قادر يهده
يخليه نكره و عدم
أدعو له في الحرم
خدنا كدا على غفله
هو و شله فاسده
وكلين الخير في بطونهم
ضيعو منا الحلم
أدعو له في الحرم
بيقول غير ما بيعمل
يوعد لكنه يخلف
الغلابه اللي تصدق
عيشهم في أمل
أدعو له في الحرم
بكره تشوفو حالنا
الخير يعم بلادنا
الله يرحم أجدادنا
ماتوا على أمل
أدعو له في الحرم
الخير يجي ولادنا
تعبي في جيوبها
ملايين كدا تسعدها
أهو حلم بلا أمل
أدعو له في الحرم
بيحكي عن شبابنا
هما ذادنا و عمادنا
مستقبل العمل
لكن كله دجل
أدعو له في الحرم
يا رايحين الحرم
أدعو له روحه تطلع
اللي للناس ظلم

$$$ كلمات
سعيد عبد القادر السيد