هي فكرة بألف عقل
ألف كاتب قال كلامه
واترسم وياه جنانه
أصل تستاهل تجنن
هي حلوة حبتين
عاوزه منها ضمتين
بس رفضت تبقى غنوة
هي في كتاب كلمتين
لو بتفهم راح تنولها
هي لغز مالوش حل
هي راح تندفن من غير كفن
وانت تبكيلك يومين
إوعى تسأل هي إيه
هي مين إزاي وليه
إنت لازم يوم تفكر
إنت مكن تسأل اكتر
كل ما بتسأل بتصغر
والعزيمة للي ينظر
للحقيقة بالعنين
إوعى تنقض كلمتك
أو تقول انا لازم اسكر
خلى دايما حق ضايع
مين ينادي يقولى بايع
أيوه زعق ...همستين
مرة واحدة وثقت فيها
دنيا فانية مش غاويها
مرة خبطت البيبان
واتسمع دق الهواجس
وانت هايص
ليه بيخلص الكلام
كل شىء ما بقاش تمام
ليه تنافق لما تكبر
اللي جاي أكيد أكتر
ليه بتتعلم بلاش
دنيا تدينا الطناش
روح يا قلبي يلا سلم
لو تبطل يوم كلام
راح يدوسك ميت مداس
لو تنافق تنحني لك ألف راس
عالجبين راح تنباس
نفسي مرة أقول خلاص
يا خسارة عالإخلاص
ناس .........وناس
عيش جنان
جوه زلات النفوس
الشفايف راح تبوس
كل من وحله الطوفان
طفل شاب قبل الأوان
شيخ بيرجع ألف عام
دنيا مقلوبة بسلام
يوم كرهت الدنيا خالص
قلبي ودع الهجايس
بس ما يودع سكاته
قلبي فاته
قسمة الليل يوم وفاته
يا عرين الذكريات
لسه فاضل جوه روحي
بعض نوحي
اللي انكتم جوايا مات
دق قلبي كلام مزيف
حتى أنفاسي تليف
حتى نظرة عيني عاميه
الدموع ما بتبقى مايه
جرح فات
بس ساكن جوه دمي
كل همي..بيت رفات
ليست هناك تعليقات:
إرسال تعليق