من يقدر يلمس إيدي ويخليني عن الوعي أغيب؟
ليه حتى الآن ما اتوجدش في دنيتي؟
شايفك بقلبي وحاسك بكياني إنت كمان لازم تحسيني.
إزاي يعني؟
مش عارف لكن لازم..لازم.
وانطلقت حينها صفارة الإنذار ليختبىء كل منهم في مكان واحد دون الخوف ولكن مالهم حينها إلا التشبث بهياكل الغفران.
كل منهما دار بذهنه أفكارا ترك لها العنان ،رسمت أفكارهم شتى احتياجاتهم فكانت نفوسهم تحدثهم ليعيش كل منهم شأنا آخر لكن دون الآخر
هي: كنت محتاجاك تضمني من زمان.
هو:كان لازم تجمعنا ظروف زي دي.
هي:تعرف اني أول مرة أحس بالأمان.
هو : تعرفي إني مش عاوز أسيبك ولا عاوز اخرج من هنا.
هي: حاسة بشىء غريب جوايا.
هو :كأني كل شىء بيرجع لنا من تاني.
هي:حبيتك النهاردة وبكرة وبعده حبيتك من زمان.
هو:الدنيا لها طعم تاني وانا جنبك.
هي:تيجي نهرب منها.
هو :هي إيه.
كل منهم ينظر للآخر يتعمق ولا ينطق ولكن تختبىء كلمتهم تحت اللسان .
تنطق قلوبهم لتتلاحم أجسادهم فيتوه كل منهم مع الآخر لا يدرون إن كانوا في وعي أو دونه.
راحوا في سبات عميق..ذهبوا عن الحياة بآن واحد .
وما زال البحث عنهم مستمرا.
ليست هناك تعليقات:
إرسال تعليق