وحشاني ،،، بقلم الشاعر حسين الديب ،،،

تيجي تنام على كتفي
يميل الشعر في جبينها ،،،
ويبقى الرمش في صفي
يبين نور جمال عينها ،،،
وتبقى الضحكة مرصوصة
لولي في شكل أسنانها ،،،
وتبقى دم شرياني
و أبقى في قلب شريانها ،،،
--------
وتيجي تميل على كفي
أبوس الكف و أسلم ،،،
والاقي بعد سلاماتها
صوابع إيدي تتكلم ،،،
تقولي عاشقة لمستها
عاشقها و هيا بتسلم ،،،
-----
ويزيد عشقي في حضورها
وفي غيابها يزيد تاني ،،،
الاقي قلبي في غيابها
يقولي ساكنة وجداني ،،،
و الاقي عيني تتكلم
تقولي حبيبتي وحشاني ،،،
و الاقي كفي يناديها
تعالي و إملي أحضاني ،،،
-------
وتيجي تنام على كتفي
والشعر يغازل البسمة ،،،
و الاقي خيالي يسرح بي
ويبقى هواها ك النسمة ،،،
تعدي من على خدي
تدوب في ملامحي و ألقاها ،،،
سبب أفراحي و البسمة
و أنسى جراحي وياها ،،،
--------
و تيجي في حضني من تاني
و يملا الفرح أحضاني ،،،
و أبص لها بنظرة شوق
و أقول يا حبيبتي وحشاني