( الخدمة ) بقلم / محمد فتحى

( الخدمة )

عارف ايه أجمل احساس
إنك تخدم من غير تمن
حاول تخدم كل الناس
خليك للخدمة امين مؤتمن

حاول تساعد الغير
اوعى تفكر فى حالك
خلى كل التفكير
فى الناس اللى محتاجالك

هتعيش للناس خدام
ربنا هيعلى مقامك
هتلاقى خير قدام
يسعد كل ايامك

شوف غيرك اللى بيعانى
اللى حياته كلها موت
صدقنى من اجمل المعانى
انك تخلى غيرك مبسوط

حس بقى بغيرك حس
اوعى فى ضميرك تعدم
أتعلم من الشيخ و القس
دول احسن بتخدم

اعمل الخير و ارميه البحر
اوعى تستنى أجر الإنسان
الخير هيجيلك زى النهر
من عند ربنا الديان

ساعد غيرك ساعد
مد ايديك للمحتاج
اوعى تتأخر و تتباعد
الخدمة ع الراس تاج

أخدم الضعيف بكل قوتك
ربنا هيخدمك من السما
هتلاقى تملى فى خطوتك
خير ربنا عليك اترمى

اللى محتاجين الخدمة كتار
دور عليهم بلاش تستنى
الخدمة هتبعدك عن النار
أصل طريقها واصل للجنة

فى آخر سطور كلماتى
ادعيلى أخدم خدمة طويلة
تفضل عايشة بعد مماتى
الناس تفتكرنى بذكرى جميلة

كلمات : محمد فتحى

أعجبني

أعجبني

أحببته

هاهاها

واااو

أحزنني

أغضبني