يللي الدموع عرفت عينيك
حاول في يوم تنسي الألم
العمر لو راح من إيديك
هتعيش غريق ف بحور ندم
الدنيا أيه غير خد وهات
وكلام كتير لابس عشم
ولو في يوم تشكي الهموم
متلاقي حد يقول نعم
حاول تطبطب ع الجراح
تلقي الجراح صبحت عدم
البذره في الأرض إبتداء
لحياه جديده تحترم
وإن جالك الخوف أقتله
ما هو برضو خايف يتكتم
أصرخ وسمع صرختك
لحد زيك إنظلم
وأسجد لرب الكون تلاقي
الرحمه تيجي والكرم
هو ف إيديه لو هتناجيه
يعدل مصيرك بالقلم
القلب شاف م الهم شاخ
م لاقيت نفوس فيها همم
وكتبت ياما كلام كتير
وف النهايه بيتردم
طبع الحياه قسوه وآه
والناس ضميرها بدون ذمم
لو شافوا حد بينجرح
بيلبسوا توب العمم
وآهي دنيا عايشينها عدم
آهي دنيا عايشينها عدم .....
ليست هناك تعليقات:
إرسال تعليق