،،، سؤال الفصيح ،،، الشاعر حسين الديب ،،،

سألت قلبي سؤال صريح
و قولت ياقلبي بتحب ليه ،،
فقالي يابو لسان فصيح
مانتا السبب في إللي إحنا فيه ،،
إنتا أساس المرمطة
يابو العقول متعفرتة
وعشان البنات متشكلته
كل يوم الحب دا
يملا قلبي و يهد فيه ،،
و خد في بالك يابو المشاعر
يلي عامل فيها شاطر
الحب مش كسر الخواطر
بس مهما يكون جميل
لازم تدوق المر فيه ،،
فهمت يابو لسان فصيح
عرفت مين هو سبب البهدلة ،،
إللي خلاني جريح
و بقت حياتي مأندلة ،،
إللي ف يومين يحب بنت صحيح تمام
و تاني يوم يحب لي مترجلة ،،
ياريت تريحني بقى
و كفاياك في كتر اﻷسئلة ،،