باعتذر عن تاخرى فى النشر عن موعدى الذى اعلنته
وذلك لظروف طارئه
وبعدين نروح لرهوانه اللى مغلبانى وتعبانى ومحيرانى معاها .
كل يوم بحال مره فرحانه ومره زعلانه ومره غضبانه والمره دى رجعت لقيتها ضربه اخماس فى اسداس قولت لها مالك قالت لى ابدا مفيش حاجه ازاى ياست الكل ما الزعل باين عليكى قالت لى انت لما اخرت عليه قولت اروح الغابه اتمشى شويه واغير جو وانا ماشيه بين الاشجار لقيت عصفور واقف تحت شجره حزين وزعلان قولت له مالك قال لى حبيبتى ..مالها ياعصفورى قال لها كانت معايا وبين احضانى ملحقتش اتهنى بيها ومعاها اتخطفت ومش عارف اوصل لها واللى خطفها وضعها فى قصر مرصود من حاول ان يدنوا من سور حديقتها من حاول فك ضفائرها مفقودا مفقودا يارهوانه...قالت له ايه هوا انت فاكر نفسك عبدالحليم حافظ ولا ايه ..قال لها ابدا هيه دى الحقيقه كل مااحاول اروح جنب القصر علشان اخرجها الاقى نفسي مش عارف اوصلها والتعلب حاطط الف حارس وحارس على الباب والمفاجاءه يارهوانه انى لقيت ان مش انا واحدى اللى بحبها وعشقتها .لااااااااا دا انا لقيت الاف بل ملايين العشاق راحت رهوانه بصاله باستغراب ليه هيه جميله للدرجه دى قال لها بل اجمل واجمل دا النظره فى عينيها ولالمس شعرها ولا ولا ولا سبحان من ابدع وصور وكل يوم بيزيد عشقها قولت لها وبعدين يارهوانه العصفور العاشق عمل ايه قالت لى مش عارف يوصل لها لان كل عشاقها بيروحوا علشان يفكوا اسرها كل واحد لوحدوا علشان كده مش هايعرفوا يخرجوها من القصر المرصود المفروض يجتمع كل العشاق وكل حبيبها ليخرجوها من القصر المشئوم فالحب اسما وارقى شئ فى الدنيا ومش بالضروره ان انال محبوبتى ومعشوقتى فكم من قصص واساطير العشق انتهت بدون ان ينال محبوبته ومعشوقته لنفسه بل كلهم اومعظمهم احبها وتيم بحبها وتمنى لها الخير والسعاده مع اى حد اخر ولكنها اهم شئ تكون حره تطير بين اغصان الاشجار تحلق بين الزهور ولا تكن حبيسة فى قفصا فى قصرا مهجور المهم حريتها وبعد كده هيه تختار تتجوز مين وتعشق مين وتعيش مع مين ؟؟؟؟؟؟
ليست هناك تعليقات:
إرسال تعليق