طوارئ قال طوارئ قال .... قصيده للشاعره المحترمة / إيمان بطرس

ردى على الشاعره ناديه محرم الجميعى
نص طوارئ قال طوارئ قال

صباح الفل معاليكى
ما عليكى...
ماتتخضيش
وايه يعنى ...
لو نلعبها حبة بطيش
ماهم برضوا شويه هيش
هايسووم ايه ..
نقول ملاطيش
بكام ملطوش هايترمى
ويتدمى ...
نكبر كرشنا ونعيش
بدال الفول مع الجبنه
نقضيها عشا مناقيش
ونتبغدد ونتهنى
وبكفايه نواح وعويل
وسخط وخبط م الدراويش
مين ساكت ومين قوال
مين قاعد ومين اتشال
ومين حطوه ف ميزان 
قام مال..
ودوشه وهوسه م الحناكيش
و يا يحيى ودا يا يعيش
مادام جيبنا دا متخيط 
مفهوش اخرام
هاتبقى العيشه فله وعال
وكالعادة ولا ع البال
طوارئ ... قال طوارئ قال