حبة ورق...بقلمي // ابراهيم فهمي المحامي

حبة ورق
من يومنا واحنا ف الحياه
حبة ورق
مكتوب لنا فيها القلق
متزوقين بزواق خداع
مش دريانين العمر ضاع
ماشين بمركب متبهدله
وسط البحار والجلجله
من غير شراع
آه يا زمان الغدر فيك أصبح أمان
والكلمه من فم الديابه صولجان
والناس حياري
لسه يا دوب بيدورا
ف عقول سكن فيها العفن
مين اللي خان ؟؟؟
آه لو قيمة الحياه بس الرغيف
راح يتولد ف الارض
مليون ضعيف وضعيف
وبرضو مش لاقي الرغيف
إصرخ يا قلب انظلم
لملم دم الطيور
دم الطيور مقبره
ولابد يظهر نور
إياك تعيش إمعه
وترضي بالحواديت
ضدي تكون أو مع
إياك تكون فتافيت
طرحة فرح سوده
وزواق بلون أزرق
والقصه ممدوده
ولو كلنا نغرق
ما دام صلاح الدين
رافض ييجي ف زورق ‘‘‘