عروستى
من ديوان/افتكرلك ايه
للشاعر مصطفى فريد
عروستى حلوه زيى وبتسمع الكلام
بتقوم الصبح بدرى ساعة ما اقوم تمام
تغسل وشها وتسرح شعرها
وتساوى قوام سريرها وترتبه بنظام
عروستى حلوه نونو واسمها هيام
واى ضيف يجينا بترد له السلام
باعلمها العباده واعلمها الصيام
وصلاتنا علمتنا اللى يكذب حرام
عروستى حلوه خالص ونضيفه فى شكلها
تبعد عن اى حاجة تبهدل لبسها
وعشان دايما نضيفه من قلبى بحبها
اصلى احب النضافه والصدق والنظام
ليست هناك تعليقات:
إرسال تعليق