قصيدة : ( مش ديانة دى أكيد )بقلمى / أسامة عباد

قصيدة : ( مش ديانة دى أكيد )

البراءة اللى فى عيونهم
 لو تشوفها من بعيد

مستحيل ابدا تفكر تدبح
 القلب الوليد

مات ضميرك ولا فارقك
 ولا روحك من حديد

دول طيور للجنة هاجروا
 رفرفت روحهم بعيد

جنة الفردوس سكنهم
 كل يوم بيمر عيد

لو عليهم يبقوا شهدا
 كل لحظة من جديد

قدس الله سر روحهم
 ربهم فرحان اكيد

قولى يا إرهابى جنسك
 علمك تبقى طريد

علمك تبقى ما بينا
 وانت عازم ع الوعيد

قالك أشرب من دمانا
 واستلذ وكون سعيد

لو ديانتك دى ديانة
 تبقى واهم أو عنيد

اختراع ملعون اذانا
 كل يوم مليون شهيد

حل وأغرب عن سمانا
 الشيطان كانلك حفيد

أنت والأباليس حبايبك
 شلة واحدة ايد ف ايد

لا وههنيالكم جهنم
 بتناديكم هل من مزيد

بقلمى / أسامة عباد