طفلة رايحة وطفلة جاية
طفل ماشي كمان وراها
بيت في حارة وسوره عالي
شاب ما سهرش الليالي
تفتكر قلبه اللي خالي
ليه حطام؟
كل ده ما بقاش كلام
الحقيقة المرة ظاهرة
عيدها يل ألف مرة
قول ورايا ما ينتهيش
كان شارعنا زمان شراع
قل سفينة ف حضن باع
كانو ناس
وف إيديهم شالوا فاس
فوق حصانهم رفعوا راس
ألف ميت وتحية ليهم
فين زمانهم؟
قالوا راح
كان بيوتهم جنب بيتنا
عمري ما حسيت بغربة
كان ولادهم دول ولادنا
كنا نلعب حاطة بطة
قطة عامية تتوه جفونهم
روحي صاحية تقول كفاية
كنا نجري نعلي صوتنا
واللي ساكن جوه بيته
نسمعوا ما يقول كفاية
قوله كان كله كناية
كنا بنروح المدارس
كان ما فيش إخوان وداعش
كان وطننا كلمة واحدة
والعزيمة واحدة واحدة
علموها للي دارس
يا سلام على مدرستنا
لما شفنا معلمتنا
المثالية بعينها
ربي رح علينا يعينها
والمدرس درع واقي
ولا ناظر مدرستنا
كله هيبة
جاتنا خيبة
فين دا قيمة كله راح
جاي يحسس عالجراح
السفن مالهاش شراع
قل زمانك هو هو
بس سر بقوله وحدي
إنسانيتنا تباع
بين إيدين العطشانين
يشربوا من دم بلدي
وانت تتفرج يا ولدي
كف إيدك راح يصقف
راح تفوق بعد الأوان
أمر جالك يلا نام
واسمعه من غير كلام
إوعى تسأل
إوعى تنطق كلمة واحدة
هو ناقص فيك مناهدة
يلا هات المستخبي
لاجل ما تحس بأمان
كله حاضر بس ماضي
حتى تتمد الأيادي
كله ضايع يوم فداك
وصفه قال انك ملاك
وصفهم معناه هلاك
كله غمض عينه لحظة
بعد حظة
شفت شارعنا بعيني
قلت...عيني
والعمى صابني بإرادتي
شايفة لغز بحله وحدي
شفت نفسي أسير في داري
حتى جاري اتخلى عني
قال....خدوه
كلمته كات سيف في ضهري
هز بدني
كنت بحمي بكلمتين
بنته وابني في العرين
داس....وباس
بس كله سلف ودين
أيوه...كله سلف ودين
الهام شرف
ليست هناك تعليقات:
إرسال تعليق