وكلام نقوله لبعضنا
إنت وانا
عشنا اﻷمل لحظة وقوع الشوق في قلبنا
واتقربت مسافات
تحلف علينا إننا هنكون لبعض مهما حصل
ومصدقين
ومغمضين دايما عنينا عاللي حاصل
عشان نعيش حلمنا
الحلم كان أصله جميل
ما فيش ما بيننا أي عازل أو عزول
والدنيا وردة مفتحة
في الليلة دي البدر اكتمل
لون القمر بيضاهي يومها قلبنا
نور قلوب كل البشر
لو أي عاشق بص له هيكلمه
يحكي علينا انه معانا داب حنين
لو أي عاشق بص له
هيشوف عنينا جوه حضنه منورين
شفتك أنا من سنة
بتنادي على قلبي اللي دايب م العذاب
أنا كنت ببكي وقتها
بس اﻷكيد
لبيت نداك
ومشيت معاك
ارجع كده
طبطب شوية عالوجع
يمكن تشوف فيه البدع
واقرا كفوف اﻷمنيات
أو حتى وشوشة الودع
هتلاقي جوه الذكريات اتنين بيبكوا عاللي فات
وانت تالتهم في البكا
يا قلب عاشق كل لحظة اتغربت واتسرسبت
من غير ما نقصد كلنا
يا عيون دموعها اتحجرت
يا ناس بتبكوا عاللي فات
أنا قلبي مات وقتها والحب جواه اندفن
أو حتى قول انه ما ماتش بل راح شهيد
الهام شرف
#يسكن قلبها الطوفان
ليست هناك تعليقات:
إرسال تعليق