شعر / عادل عبد الرازق
----------------------
مكســــور
--------
مكسور ...
وإيديكي دايرما يدور
ساجناني ف أحزاني
وزماني المهجور
مكسور
وباعدّي أدوّر على نور
ألاقيني ف نفس العتمة بادور
مكسور ...
وإيديكي دايرما يدور
ساجناني ف أحزاني
وزماني المهجور
مكسور
...
مكسور ..
وبادور ..
وباعدّي السور يقابلني ميت سور
ولا قادر أنسى حنيَة قلبك
ولا قادر أنسى هواكي المكسور
مكسور ...
وإيديكي دايرما يدور
ساجناني ف أحزاني
وزماني المهجور
مكسور
...
ضيًعني وداعك ورماني
أنا وحدي وقلبي المبتور
مجرور ...
للموج اللي معاند
ولرفض عينيكي مجرور
مكسور
ولا قادر أهرب من حبك
ولا دمع عينيكي المسحور
وباثور ...
على حبك ليًا وإحلاصك
ونسيانك ليّا باثور
مكسور ...
وإيديكي دايرما يدور
ساجناني ف أحزاني
وزماني المهجور
مكسور
ولا بكلمة ودّعتي طريقي
ولا خطً صغيّر ف سطور
ولا ذنبي إني حبيتك
ولا لأني ف حبك مأسور
مكسور
ماعرفش زمانا فرّقنا
ولاّ قلبك في فراقنا كان له دور
عن نفسي أنا عمري ما خونتك
ولا بعتك
ولا عمري مارست الكدب أو الزور
مكسور
مكسور ...
وإيديكي دايرما يدور
ساجناني ف أحزاني
وزماني المهجور
مكسور
بعتيني وانقسم الطريق
رمتيني في بحورك غريق
ظلمتيني وانا عاشق برىء
وكسرتي ما بينا كل جسور
مكسور
أنا عشت عمري كله ف قصتك
ومشيت طريق حياتي ف سكّتك
خدعتني طفولة ضحكتك
وسبتيني وانا مجرّد كسور
مكسور
مكسور ...
وإيديكي دايرما يدور
ساجناني ف أحزاني
وزماني المهجور
مكسور
ماقدرش تاني أدوّر عن بديل
واحلم من تاني بحلمي المستحيل
دلوقتى لازم أبدأ في الرحيل
وانسى الحكاية وارضى بالكسور
مكسور ...
وإيديكي دايرما يدور
ساجناني ف أحزاني
وزماني المهجور
مكسور
مكسور
مكســـــــــــور
**********
ليست هناك تعليقات:
إرسال تعليق