شئ غريب جدا جدا غاية فى العجب إنك تلاقى بعض الناس يقعدوا يسبوا ويشتموا فى الزمان يقولك مثلا مثلا ياعنى ( أيام سودة - عيشة مهببة - زمن اغبر - سنة منيلة - ساعة نحس ) أولا اللى بيقول كلام زى ده إنسان ما عندوش إيمان لا وكمان قليل الأدب ومتطاول ليه كل اللى سيادتك شتمتهم دول ذنبهم أيه ولا يملكوا أيه دا دول كلهم ملك الله تحت مشيئة الله وقدره وماشين حسب تسيره للكون هوا انت ياعنى عشان بتحصل حاجات انت تتمناها بشكل معين ربنا يقدر أن الحاجات دى تحصل على غير إرادتك انت تقوم تسب وتلعن فى أشياء هيا من مقادير ربنا ذنبه أيه الزمن ولا السنين ولا الأيام ولا العيشة ذنبهم أيه إن ربنا سيرهم على غير ارادتك ما هما مش بمزاجك أصلا ومش من شأنك لأنهم بيسيروا بطريقة منتظمة حسب ما قدرلهم الخالق سبحانه وتعالى خط سيرهم ماهما وانت والكون كله ملك ربنا ربنا يفعل فى ملكه ما يشاء هوا ملكك انت عشان بتتمنى شئ عايز ربنا ينفزهولك على مزاجك للأسف الناس اللى زى دول نسوا إنهم عبيد لله عايزين ينازعوا ربنا فى ملكه وخلقه وتقديره للأمور قمة الوقاحة والسفاهة منهم بصراحة ياخى استحى على دمك خلى عندك حياء عمال تكيل شتيمة شتيمة شتيمة ولعن فى الزمن والأيام وهكذا من مقادير ربنا وخلى بالك وكلنا طبعا مقصرين فى جنب الله تلاقى فينا القتلة والظلمة والمجرمين والكذابين والمنافقين والنصابين ومثلا مثلا من النساء الفاجرات المنحلات وشبه العاريات فى الشوارع ماشين وتقولك حريتى انا حرة وتيجى بعد كده ولا يجى هوه يقولولك دا زمن مش عارف ايه والحكاية والرواية وهوه اصلا شبه مسلم مسلم كده بالوراثة ما يعرفش ربنا ولا بيخاف ربنا ومعندوش حياء من ربنا ومن كتر فجره وبجاحته يشتم فى مقادير ربنا اللى هيا اصلا بريئة مننا ومن أعمالنا القذرة .
ليست هناك تعليقات:
إرسال تعليق