الدم الرخيص
*************
كل يوم حادثه ووفاة
والجناة هما الجناة
واللي يحصل كل مرة
يادوبك مصمصة الشفاة
يعني دم ملوش حساب
والقصاص واخد غياب
والدموع النازلة باردة
مش بتنطق لو عتاب
دمنا طب ليه رخيص ؟
اللي مات بيموت فطيس
ذنبه إنه فقير وساكت
راضي صوته يكون حبيس
آه يا وطني الحق فين ؟
والشكاية يشوفها مين ؟
دمنا بيسيل ليلاتي
والجناة بقوا معروفين
بس صوتنا لسه خايف
مش بيخرج م الشفايف
قسوة الظالم قبيحة
كل يوم بتزيد مرادف ‘‘‘‘
بقلمي
إبراهيم فهمي المحامي
12/8/2017
ليست هناك تعليقات:
إرسال تعليق