موتها ودفنها معانا ... كلمات الشاعر / رمضان بقشيش

قصيدة عامية بعنوان (موتها ودفنها معانا)
وبحور الدم الغرقانه 
بالليل والصبح محوطانا
والذنب بياكل فى ضميرنا 
مش عايز مرة ينسانا
والضلمة بتزحف حولينا 
والخوف بيعشش جوانا
مش عارف مين بيبيع الشمس ؟
فى عز الضهر 
وبينسى الطهر 
ويدنس بإديه دنيانا
ومين ميشوفشي غير بالليل ؟
وبيبدر . ويل 
بينبت فى جدور مرعانا
ومين ميحبش نور الفجر؟ 
وفى طبعه الغدر ؟
بيموت فى قلوبنا هوانا
توهنا ولا الخوف موتنا 
وبقينا بنتنفس بس 
ولا شئ فينا عاد بيحس 
وشعورنا مبقاش جوانا
وفصلنا عن روحنا بإدنا 
وسكتنا وفاكرينه ساعدنا 
اتاريه بيفرق فى قلوبنا 
موتها ودفنها معانا
بقلم رمضان بقشيش