جزء من قصيدة / الفراق
من ديوان/ ضى نهار
للشاعر مصطفى فريد
الدموع وفرها ليك الرجوع ما بقاش يفيد
القلوب شبعت مناهدة والفراق اصبح أكيد
جاى بتسأل عنى ليه ليه لكل الناس بتشكى
السؤال هيفيد بإيه ويا دمعك لما يبكى
الزمن فاتك وسافر ساب غرورك فيك بيكوى
ياما كان تضحك عنيك عز قلبى ماكان بيبكى
روح بعيد الله يسامحك اللى بينا ما عدش ملكى
الدموع وفرها ليك الرجوع ما بقاش يفيد
حس جرحك لما ملحه يبقى نار لو شفت صورتى
كل ما يوجع بعادى الألم هيزيد بسيرتى
تفتكر أيام سماحتى قد إيه ضحيت براحتى
لجل ما يكمل طريقنا والجراح تتلم بدرى
إنما قدرك وقدرى من بكاك تبقى ابتسامتى
الدموع وفرها ليك الرجوع ما بقاش يفيد
ليست هناك تعليقات:
إرسال تعليق