الشعرمعشوقى..#الشاعرة_رضاعبدالوهاب

انا اللى الشعرمعشوقى
وانا العاشقة لالحاني
ينام الحرف فـــ عروقى
اقوم ..يندهلى قول تانى
انا اللى الكلمة من دمي
ومن فرحى ومن همى
وبسقى مــ الوريد فنى
فيطرح دمع فــ البستان
أنا الثورة وانا الثوار
انا الفكرة اللى حقاني
انا الحرة بتوب احرار
أنا المظلوم وانا الجاني
انا الحق قصاد باطل
انا الصوت اللى مش واصل
انا الوِلد اللى بيواصل
وماشى لآخرالمشوار
أنا الشعربدون شاعر
انا الدرويش وانا الحاير
انا الدنيا اللى دهسانا
وسيقانا كما العميان 
وسقيانا بايديها مرار
انا الشق ف توب غلبان
انا الشعروانا الشاعر
انا المدبوح ومش شاعر
بقولة الآهة فــ الأبدان
فبتدارى مابين اسوار
انا اللى معاشرالافكار
انا الضى اللى كان شارد
هارب من عينى والنني
يتوضا فــ كفوف الآه
ومتبعتر سنين مني
انا الشاعرانا الداير
وف ضلوعي سكن جنى
قصيدتى تحكى اوجاعي
وتتمايل بلا داعى
فتنشرللجميع سرى
وموتى فيها يسوى حياة