انا اللي الحزن مني كلام
بيسعد قلب مين يقراه
وانا اللي الفرح مني سلام
ياسعده وفرحته اللي القاه
وانا اللي الاه فمواله
تحس الاهه مني حياه
انا الغرقان في ملكوته
وانا الحيران فخلق الله
وانا المحبوس معاه صوته
ما يخرج دمعه يا مغلاه
انا اللي ف فرحه وسكوته
بيتغني بنعيم مولاه
انا الحامد قضاء ربي
وراضي بكل ما القاه
ورغم اني ف لقي ربي
سعاده وجنه فيها حياه
لكني بصبري في كربي
علشان طامع بنور رؤياه
ليست هناك تعليقات:
إرسال تعليق