احلام عاشق
******
خايف اكون انا العاشق بلا احلام بلا ندمان
واملى الكون سراب كاذب من الاوهام ومن الاحزان
وانت ياأملى مش دارى بشوق قلبى غرام وحنان
كل رمش من عينك بيجرحنى كأنه سهام من النيران
امتى بس حتحنى ونتلاقى فى اى زمان
ساعتها حشوف الكون زاهر والورود الوان
جايز اكون انا بحلم وماشى فى سكه التوهان
قوليلى اكمل المشوار ولا دى سكه النسيان
وانا عمرى ياعمرى فى حبك مش حكون ندمان
حعيش فى الحلم واملى نتلاقى فى اى مكان
حتوه من نظرة عنيكى وانسى اسمى والعنوان
بس انتى رقى وجاوبينى وبادلينى ده انا انسان..
بقلمى - مصطفى عبد النبى
ليست هناك تعليقات:
إرسال تعليق