محدش قالك .........
ـــــــــــــــــــــــــــــــــــــ
محدش قالك إنك حلوة
ولا مرة غنالك غنوة
ولا سهر يوم وسط العتمة
تسح دموعه علشان كلمة
مستنيها كتير كتير
علشان تيجي تبرد ناره
وتطفي بحينها كل اعذاره
أنتي الدمعة وأنت البسمة
وأنتي ليه كل أوصاله
أنتي الفجر وقت غيومه
أنتي النسمة أول يومه
أنتي شعاع الصبر يزيل
وقت الضنك كل همومه
ودي رسالة بنقلها عنه
يمكن يوم تقربي منه
وفــ لحظة تتحقق كل ظنونه
ــــــــــــــــــــــــــــــــــــــــــــــــــــــــــــــــ
شعر / محمود مسعود 0 9/10/2022 (عامي )
ليست هناك تعليقات:
إرسال تعليق