حضن حقيق
ولو في يوم لقتوني بتمنى لحضن حقيق
أشوف الجنة في عيونها وصبح بريء
قولوا لشوقي يتأنى
وإدعولها وإدعولي ماأعش غريق
بعد الأم يا أمي أنا نصين
نص الذكريات واقف على الشطين
نص الحنين شاهد لقلب حزين
أضم لدعوتك لي وأتوه في سنين
سنين كنت جواك بتمشى بقلب رقيق
لا انا خايف ولا بسأل يا بكرة لفين
مكفيني مشبعني حنانها في ضيق
تلاقيني تحويش.ت دعاك سنين
ماشي بجري في الدنيا حصاني جريء
لو شفتوني دلوقتي وأنا واقف في ضل طريق
هتلقوها جوايا في الضحكة وفي الدمعة
وبلع الريق
شايل قلبي في إيديا ونبضه بطيء
ومين غيرها في الدنيا دي
كان لي بقلب صديق
ومين غيرها في الدنيا دي
كان لي بحضن حقيق
رحم الله قلباً كان لي وطن
رحمة الله عليك يا أمي
بقلمي: د/نجوى رسلان
#نجوايا
#ساعات_بنوحشنا
ليست هناك تعليقات:
إرسال تعليق