تم النشر بواسطة / إبراهيم فهمى
راجعه تاني تحلفيني
باللي كان بينك وبيني
وتقوليلي... وتقوليلي
لا هاقولك وافهميني
اللي بينا مكنش حب
وهم ياما عشنا فيه
اللي بينا كله كدب
وانتي عايزه ترجعيه
ف بلاش ف نفسك تهيني
بتحلفيني باللي فات
بتحلفيني بحب مات
انتي فاكره الذكريات
لسه عايشه وبتناديني ؟!!!!
راجعه ليه بعد ما بعتي؟
وتقولي انك اتوجعتي
ولا يعني عشان سمعتي
في حب تاني جاي ف عيني؟
سيد صادق
ليست هناك تعليقات:
إرسال تعليق