الحب .بقلم الشاعر المبدع /يوسف ونيس مجلع

الحب
حلاوة الحب وهناه ---------- انك تاخد و تدى
وانت قلبك هواه ------------ ياخد بس ما يدى 
ياما اديتك حنان ------------ ورد شباب مندى
واديتك كمان ----------- عواطف لونها وردى
-------------------------------------------
واديت و اديت واديت ------- وبرضه ما بتدى
غير حرمان ما لقيت --- ونار تسهر فى وجدى
-------------------------------------------
اه يانى ويانى ويانى --------- واهين يا وعدى
لو قلبك يوم ندانى --------- ناوى الحنان يدى
تلاقينى بكل كيانى ----- والاحضن اللى عندى
-------------------------------------------
غطيتك بروحى -------------- وفرشتلك قدى
وقلتلك يا روحى -------------- مخدتك نهدى
نهمس بوحك وبوحى ---- مانحس سنين تعدى
------------------------------------------
يتوه حسك فى حسى --- نسكر شهدك وشهدى
اغنيلك يا اغلى من نفسى - تغنيلى يا كل ودى
اغنى يا دنيا انسينا ------- تغنى يا عمر هدى
ندوب فى بعضينا --------- قلوبنا تاخد وتدى
بلقمى يوسف ونيس مجلع