ابقي احكيلي الحلم بالتفصيل
همسات كلامك بتداوي حنيني
وقلبك مركب ماشي علي النيل
صوتك زي صوت الناي
بيجفف دموع العين
مبقتش اخاف من اللي جاي
وعايز اعيش معاكي سنين
انا مهما اكون مضايق
ببقي معاكي طفل برئ
وبلاقي نفسي فايق
وقلبي بيتحول لطريق
مفروش بـ ورد
وانتي ماشية عليه
ولما بحس ببرد
حضنك بتدفى فيه
انا قلبي ابتدي يعاني
من كتر حبه ليكي
اصل الثانيه اللي تعدي
وانتي بعيده عنه
بيفضل يسألني عليكي
ويفضل يكتب في اغاني
وده من حبه فيكى
*************************
#قصيدة (طريق الحب)
#بقلمى_محمود_السعودى
ليست هناك تعليقات:
إرسال تعليق