..............................
كل سطر من كلامى
جوا منه حرف منك
طعمه ظاهر ف ابتسامتى
ف التفاتى و ف سلامى
طعم روحك .. طعم حبك
طعم عمرك .. طعم سنك
كل سطر من كلامى جوا منه حرف منك
حرف سارح فوق ملامحى
و حرف ماشى يداوى جرحى
حرف كان مشتاق لعينك
وحرف بوسة فوق جبينك
كل سطر من كلامى جوا منه حرف منك
انت بحر لونه لونى
لون بيبكى ولون بيضحك
عطرة باين فوق عيونى
مهما أدارى صورتى صورتك
كل سطر من كلامى جوا منه حرف منك
نفسى يوم تبقى بحضنى
ذى مانت جوا دمى
و الهموم تمشى تسيبنى
مانت بنتى و انت امى
بفلم / ولاء فهمى
ليست هناك تعليقات:
إرسال تعليق