متنزعلوش مصر بلدنا متزعلوهاش
خلوها تفرح وتغني والحزن بلاش كفاياها عانت وأدبحت ومفدروهاش
خليكوا واقفين جنبيها ومتسيبوهاش
مستنية منكوا كتير
مستية أكيد تغيير
مستنية العلم يسود
مسنية للتنوير
عايزة تشوف الخير علي ايدكوا
يلا اتعاهوا يلا اتحدوا
افشوا أصول الحب ما بينكوا
غيروا عليها وغيروا علي دينكوا
الأيام الجاية عينوها
من محنتها خرجوها
زودوا لساعات الانتاج
والعين النايمة صحوها
عايزة الهمة وصدق الكلمة
عايزة النور مش عايزة الضلمة
عايزة تشوف الشمس بتشرق
علي أراضيها تشم النسمة
نسمه تحلي زمانها الحالي
وتنسيها زمانها البالي
وتخليها تحس بذاتها
وتوصلها لأعلا أعالي
عشمانة فيكم وف ضمايركم
تسألوا فيها وكتر خيركم
وأما هتعلا أكيد راح تعلوا
هوه مصيرها هوه مصيركم
ليست هناك تعليقات:
إرسال تعليق