أنا فنان كلمات الشاعر / ناصر عبد المقصود

نحت فى قلبى إحساسك
داريت جوايا أنفاسك
شربت من الهوى كاسك
ولسه بالجمال ولهان
أنا فنان
وصفتك جوا أشعارى
حبيبى هو راسمالى
وسميتك حبيب غالى
وأنا فرحان أنا السلطان
جمعت الدنيا بإيديا
ملكت الخضرة والمية
وخايف أبص حوالية
تغيب عنى أعيش ندمان
أنا السلطان
وعرشى فى قعدتى جنبك
وملكى لما أنول قربك
وحبى أقوى من حبك
وأنا جنبك بلا أحزان
أنا فنان فى إحساسى 
واسأل عنى كراسى
عيونك هما حراسى
ومن غيرك ضعيف غلبان
أنا فنان
رسمتك والحبر دمى
على صدرى تشيل همى
لقيتك فرحة جوايا
على لسان الهوى حكاية
بيحكى للوجود حبى
ما بين الضمة والأحضان
أنا فنان 
وحبك جوا أغصانى
بيسقينى ويرونى ويرعانى
تغيب عنى وتنسانى
أموت دبلان أموت عطشان
أنا فنان