الطير اللي هاجر ...شعر عامية...الهام شرف

والطير اللي هاجر
يوم ما سافر
قلبه عنه
حطه على حبة إزاز
قال سلام
وبدون كلام
سلم الراية بأمان
غنى على صوت الكمان
حزن شايل دمع عنه
غصب منه
يا سلام
غيره يصرخ بالقوى
والقدر هو القوى
والصحاب غاويين كلام
والجيران بيلوموا عنه
والآهات متحيرة
شايفه بنت صغيرة
طبطت دون انتقام
وف منام تجري عليه
تسقي فيه
حضن نام
فات سنين
قرب الواد الحزين
يفتح عنين
قال يتوه عن كل شىء
بس شىء واحد حصله
غصب عنه
راجع إليه
بلده بتشد ف إيديه
أمه بتنادي عليه
والندا بيتوه صداه
يفهم الواد اللي قبره
لسه مش عارف مداه
يا هناه راخ يصحى منه
بعد ما العقل اللي دبر
راح يتوه جوه القناه