إختيار .... أغنية شعبية للشاعر / سعيد عباس الضو

((اختيار) اغنيه شعبى 
*************
ولسه فى عنيك نفس الأمل 
اللى شوفته من سنين 
ماتقوللى إيه العمل 
يامدوبنى بشوق وحنين 
****************
تعبت قلبى فى غيابك م الحزن و الاوهام 
وانت هناك وياصحابك متهنى بالاحلام 
مش دارى بيا وبدموع عينيا 
بكون ف وسط صحباتى بحس إنى لوحديا 
والكل فرحان بحياته يلعب ويرقص حواليا 
وقلبى أنا تعبان 
***************
لامتى هتفضل سايبنى للدنيا والأيام 
لحد راضى يجاوبنى أمتى
عيونى تنام 
أرجوك تعالى أسأل عنى 
هجرك خلاص هيجننى 
تركت قلبى بيألمنى 
وكل متجى تعمل زعلان 
**************
قولى ياحبى آخرته إيه 
إن كنت قاصده ملاوعه 
قلبى تعبان بالراحة عليه 
ومن غير حبك انا ضايعة 
وان ف دماغك دى غلاوة
تبقى غلطان ياسعادة البيه 
دا الهجر آخره الجفاوه 
وقلبى صراحه ياعينى عليه 
هيموت من كتر الأساوة
****************
آخر كلام عندى هقوله 
واختار لحبك اى طريق 
لو قلبى عايز تطوله 
لازم تكون له زى صديق 
تكون معاه العمر بطوله 
وتبقى معاه تملى رقيق 
في الحاله دى هتنوله 
ويكون معاك ف ساعات الضيق 
وانا نفسى بتمنى ياسيدى
ماسمعشى قوله مواعيدى 
تعيش معايه ليل ونهار 
وإن نمت يبقى على أيدى 
غير كده ما تعطلنيش 
وسيبتى أفكر ازاى أعيش 
مع إنى من غيرك ماسويش 
مش كل مرة تروح وتغيب 
أخاف ف مرة تروح ماتجيش
سعيد عباس الضو