عالم الأحلام. بقلم / أحمد شاهين
عالم ااأحلام غريب
وإنت فيه كالسندباد
نفسك الأحزان تغيب
والفرح يملا البلاد
عالم الأحلام بياخدك
من كوابيس الوجود
تبقى فيه عايش لوحدك
زى طير عدّا الحدود
تفتح الصفحه الجدبده
تلقى نور الشمس طالع
والورود . أطفال سعيده
والأمل من تانى راجع
عالم الأحلام فى حضته
كل شئ عارف مكانه
والحنين وشوش فى ودنه
والحبايب والله بانوا
تبقى نفسك هابمه فوق
حاضنه بإيديها النجوم
تختفى كل الفروق
والسما تنسى الغيوم
عالم الأحﻻم دا عالم
كل واحد مر بيه
أه إتولدنا فى وسط عالم
بس دا .إشتاقنا ليه
لأنه. عالم م البراءه
والشفافية الجميله
نور وفاتح ألف طاقه
زى عالم ألف ليلة
عالم الأحﻻم واخدنى
مهما تبعدنا المسافة
كل يوم عن يوم شاددنى
مهما قالوا دى خرافه.
كلمات / أحمد شاهين
16 / 11 / 2019
ليست هناك تعليقات:
إرسال تعليق