تم النشر بواسطة / إبراهيم فهمى
** حنين للماضى ****
نفضله بقه وإحلقله
وكلام كتير ع الكيف
وكلام ياناس مشتاقله
حلو ودمه خفيف
راحت عاداتنا الحلوه
وعشنا ف التقاليد
صبح السلام بالكلوه
والقلب قاسى حديد
والبسمه ع الشفايف
كانت زمان ببشاشه
دلوقتى ياناس أنا شايف
تكشيره بوحاشه
فينك ياعم فلان
كلمه كمان ماتت
غيرنا ف العنوان
وسنيين كمان فاتت
فينك ياأبله أمال
تركتى ليه الناصيه
فرع المحبه مال
وجزوره بقة قاسيه
وإنت ياعم فؤاد
دول كلمتين وبس
ربيتوا ياما أحفاد
وقلوب كانت بتحس
وهمسه كمان وعتاب
لكل واحد مسؤول
بعدك جميع لبواب
مقفوله ياعم على طول
وأنام وبعد العشا
وأقوم فى نص الليل
أسمع كمان فرفشه
دى خمسه وأنسى الويل
وإنت ياعم فاروق
يابو ضحكه بشوشه
الناس معاك بتروق
سمعنا ياعم شوشه
يلعن أبوها أيام
لوجاتنا بحضاره
تعبنا م الأحلام
وعبينا ف شكاره
راح زمان الجيره
والصحبه واللمه
والقعده على حصيره
وحضنك كمان يامه
ملعون أبوها حضاره
لوجايه بالسفره
مش عايز أعيش ف عماره
هقعد هنا ف حفره
أقعد على الطبليه
وترجع لنا الطيبه
وأقول لخالتى سنيه
دى جارتنا وحبيبه
عايز طبق بثاره
حلو من إيدك
إنتى العزيزه ياجاره
وعيدنا يوم عيدك
===================
الشاعر عيسى عبد الرؤوف
ليست هناك تعليقات:
إرسال تعليق