كتير تبعد وتنسي اني يوم موجود
وهجرك لية م الاخر مالوهش حدود
ومش هاقبل اكون كلمه ف كراسك
ولو هتجيني وتقوللي انا ناسك
هاسيبك لما يوم تبكي وتتألم
ومن نفسك هترجع لية وتسلم
وهارفض مش عشان مجروح
عشان انت كمان رافض بحبي تبوح
كلامك لية كان عايم مابين ايوه وبين لاء
هاقولك بص م الاخر خلاص عندي ومش فارقه
تغيب تبعد وتنسي اني محتاجلك
فامش هاقبل خلاص مابقتش اشتاق لك
ولو تبقي ف يوم الهام
افضل اطوي كراسي
زمان كنت باعيش ليكي
جرحتي فية احساسي
راح ابعد يمكن انساكي
واداوي جرحي ف هواكي
فا متظنيش ف يوم هارجع
عشان قلبي كره قلبك
ومش هاضعف كمان واخضع
قراري وخدته من بعدك
فامش هاقبل يكون الحب ع الهامش
ولو مات الامل فيه
بيكفي ان انا عايش
ومش هاقبل
كلمات
خالد الكردي
ليست هناك تعليقات:
إرسال تعليق