مطلوب حبيب
مطلوب حبيب حلو العيون
يعرف يحب ولا يوم يخون
قلبه صافي وحضنه دافي
يعرف يخاف يعرف يصون
تكون عواطفه طيبة
ودمعة عيونه قريبة
ميكونش غاوي تسلية
ولا ليه عنين مغربة
عايز يعيش حياة سعيدة
حياة جميلة حياة مفيدة
بيقدر الحب بجد
ما يقولش ده المسافات بعيدة
حبيب يكون هو الطبيب
لما أشوفه جرحي يطيب
من غير ما يعمل أي حاجة
مش غاوي للروح التعذيب
حبيب ينسيني اللي فات
ويمحي أي ذكريات
وبحنانه وكل حبه
نعيش سوا ف تبات ونبات
كلمات / شاعر الوطن / آسر فاروق طرباي
ليست هناك تعليقات:
إرسال تعليق