********
خايف ليه من ألوانى
وليه بتغير عنوانى
أنا الرسمه ال على الحيطان
أنا لون السما الصافى
أنا الألوان
أنا لون الماء الأزرق
وقت الموج ماهو هادى
ومش عادى يكون لونى أنا الأسود
أنا لون البياض فى التلج
فى عز البرد
بكون دافى
أنا لون الدهب فى الشمس
ووقت الجد لون النار
ومش غدار
ومش عادى أكون النار
ومش ممكن أكون غدار
أنا لونى دا لون العدل بميزانه
أنا أصلا لون بكره بأ ماله
أنا لون الطفل الأخضر
أنا حلمه
ولون البسمه فى شفايفه
وتأتأته
وخطواته فى أول يوم
وشخبطته على الجدران
وعلى جبينه
خايف ليه من ألوانى
دا فنى وهو عنوانى
لونى هو ألحانى
بتمسح ليه جرافيتى
بتمسح ليه لون الظلم
رسمته فى حلمى على الحيطان
رسمت ثورة فى الميدان
كتبت الظالم
وعرفته بالألوان
بتمسح ليه أحلا أيام
خايف من إيه
من جرافيتى
دى رسمه بسيطه بالألوان
لافيها سلاح
ولا إندفع لى فيها مال
دى رسمه تبوح بأسرارى
بألامى
بأحلامى
خايف ليه من ألوانى
دى صرخه بسيطه لعينيكم
دى كلام ألوان
فيها بوح القلب على الجدران
فيها لون للحب
لون لبكره اللى مش واضح
ولون الموت
وده الموجود
جاى ومتشطر على لونى
كان نفسى تخالف لى ظنونى
وأمسح بإيدى ألوانى
وأمسح أنا الجرافيتى
وأرسم بكلام
على الحيطان
أرسم فرح
أرسم أزهار متزينه
أعزف أنغام
لكن ياخساره ياجرافيتى
غطوك قوام
حذفوا الأحلام
كل الألوان
وفضل بس اللون الأسود
بنشوفه بس مع كل أذان
خابف من إيه
من إلوانى
أقرأها هتعرف عنوانى
محمدعبدالوهاب
شكرا الاهتمام والنشر
ردحذف