وخلاّنى
كرهت الضلمه والسجّان
كرهت غرابة الانسان
كرهت الصوت لو حاول يكون كتمان
كرهت البوح لو ردّد كلام نسيان
أنا عاشق
وقلبى م الغرام ولهان
باقول الكلمه وف قلبى
دموع السهد والحرمان
بأرسم صوره للضحكه اللى ناسيانى
وفيتانى أعيش بَكيان
بوصّل صمتى للدنيا
مادام قَلبِك صبح سجّان
بيسجن كلمه شرقانه
لكلمة حب من قلبى
سنين خوفك مطرداكى
وايه ذنبى؟
أنا حبيت
وما فى يوم نسيت حبى
باجمّع م السما نجمات
أنوّر لك طريق دربى
بلاش عِندك وعِصيانك
وانا موجود علشانك
أعوّض لك سنين فاتت
وأمسح كل أحزانك
بلاش أسوه وضمّينى
باقدّم قلبى وحنينى
عشان كلمة وفا منك
ترجع تانى تحْيينى ،،،،،،،،،،،،،
بقلم / ابراهيم فهمى المحامى
24/11/2014
ليست هناك تعليقات:
إرسال تعليق