رساله من عامل النظافه الى مصر ام الابطال -بقلم الشاعر/انا مصرى

رساله من عامل النظافه الى مصر ام الابطال

انا المحنى
على ارضك
اكتم اهه اوجاعى
وشيل هم السنين عنك

القط رزقى بدراعى
كما الطير اللى بيغرد

وانا الفارد ضلوعى
على الميادين
وانا المارد
باديه اتكسر القمقم
طحنت الظلم والطغيان
ودنهايتى يقول زبال

انا الشعب بتحكم
باسمى بس ازاى
ورافض اشوف
ابنى على
منصة عدالتكم

انا السيف
فردت الكف حوليا
اشق الحق م الباطل
وبتلون بلون الدم
ساعة الغدر م يفادر
جحور عشه

وانا ابيض وقلبى طير
بيتلون بلون وشه

انا الزبال ومسمتنى
اشوف ابنى
بيتوشح وشاح اخضر

فقير وسادتنا كان افقر
وشال همك على كتفه
تبات ارضك بتتحرر

فقير عيب فقره
ميعدلشى
ميزان عدلك ماينزلشى

انا الزبال واولادى هعينهم
ولوكان مقسوم ومتقدر
خلاص بقى نلغى تعلمهم

لو كان يامصر يرضيكى
اشوف حلم السنين يهرب

دانا صابر ومتمرمت
ومشقوقه تعاريج و شى
وانا راضى على عينى
كلامك على البشر يمشى