استحالة......شعر عامية....الهام شرف

كاملة حتما
بس لابد الإشارة
ناقصة في التنبيه أمارة
إوعي م التهييص يا خالة
استحالة
استحالة تلاقي ود ف كوم عرايا
استحالة تكوني بصة في المراية
ما تلاقيش فيها الا صورتك
بس معكوسة بدراية
استحالة تكوني ناسية عيد ميلادك
واللي بيهنوكي هما دول ولادك
بس نسيوكي بعناية
استحالة تكوني ماشية في الطريق
تايهة عنه بس منه
استحالة تكوني إنت بس إنت بتكدبي
كدبة مقسومة ف ملامحك
وف خدودك دم ينبع
لونه أحمر
زي لون الورد يلمع
بس تايهة ف سكتك
استحالة تعيشي غربة ما تنتهيش
خوف ما فيش
استحالة يكون ولادك تاه ملامحهم بإيدك
يا شبابك... ضاع وولى
اسمحيلي إمد إيدي أنشلك واصبح ضحية
يا حبيتي إنت ليه ونظرتك نظرة شقية
كوني مرسومة بملامح بنت سمرة تكون أبية
واندهك لو تسمحيلي باسم خمرة ف سكرية
إنت بلدي اللي فداكي ...ألف ميت مليون تحية