غصب عني..قصيدة عامية...الهام شرف

هي هي يا قصيدة بدون قوافي
بختم اللحظة اللي جايه بدون عتاب
وانسجم جوه الألم القى فيه يتفتح لي ألف باب
باب بيشكي حتى مني إني عايشه في الضياع
باب يكون لي حته مني راح يقول الحق أصلا عاللي باع
باب ياخدني لسكة تانية والقى نفسي عايشه فيها
يسأل الحلم اللي راح هي مين لاجل ماتقول آمين للقدر
كلنا بنقول آمين
بس جاي الدور عليه ينكر اني نسل آدم واني حقى حتى أعيش 
حتى لو 
حقي إني أقول كلام
يسمعه كل الأنام
يحكموا لو حتى ظلم المهم إني انام دون هوامش ضايعة مني
دون سكات
شايفه نفسي في سبات بين قضيب
حاسه إني ف كون غريب
والعيون تبكي بحرقة
والدموع صابحة تسيل
تملى نهر اسمه العويل
حتى اسمه مش كفايه انه بيوجع
لاء بيرجع ألف ميل عدى فيه قلبي ليشبع
واصرخ الصرخة ليرجع
مش سامعني
حتى قلبي اتبرى مني لاجل يسكن جوه منه
يشرب الكاس اللي فايت عالملامة بأمر ضدي
غصب عني
والزمن عدى سراب
والحقيقة اتحولت 
والعيون صابها ضباب
والمسامع معمعة دورت على شىء مسجل في الغياب
آه يا قطر الدنيا فايت راح تاخدني ف سكتك
قول يا عالم كلمتك
قولها مرة بصدق حتى تبدد ضلمتك
وقتها بس لقيت قلبي راجع
نهضة من سكة مواجع
بسأله طب ليه رجعت
رد قال : كل كلمة بتقوليها 
جايةمن حضن المراجع
وانفتح ليه الكتاب
ألقى اسمك جوه خاتم
فيه سؤال مالوش جواب
إنت ليه عايشه العذاب
والعذاب ليك خادم؟
الهام شرف