حضن الليل..شعر عامية...الهام شرف

احنا السهاري في حضن الليل
عايشين في ضي قناديله
ساعات كده بنغنيله
ساعات نولول على روحنا
لما بنهجر أفراحنا

لما تزورنا جراح وعويل
ساعات سكونه بينادي
بيلالي على إني حبيبه
ما يغيبش أبدا عن بالي
ما يهونش على قلبي أسيبه
أنا اللي نادت أحلامي
بتفرح الدنيا معاها
توسع لي أرضها وسماها
لما يكون لي فيها حبيب
يا شوق ينادي جوايا
ويرسم البسمة شفايف
أنا النهاردة مش خايف
علشان حبيبي ويايا
يا نسمة بتطل عليه
أنا عايشة كده للصبحية
يا زفه مالية الكون أفراح
أيام هنية ليالي ملاح