تسلمى لى
من ديوان افتكرلك ايه
للشاعر مصطفى فريد
تسلمى لى يا ام خال ع الخد وردة
مين قولى لى م الفرح قدى النهارده
بالمودة خدتى قلبى حبه حبه
بالمحبه نسيت انا كل اللى عدى
غنا عمرى يوم ما شوفتك جنب منى
قلبى دق وخدنى ليكى غصب عني
وابتدى الفرح اللى سابنى يفتكرنى
واحدة واحدة لقيتنى باسهرلك اغنى
يا للى فى عنيكى اترسم فرحة زمانى
حسنك المعزوف نغم له ضى تانى
ضى نور دنيتى بنور خللى قلبى
اختار هواكى لسكته وحبك ملانى
ليست هناك تعليقات:
إرسال تعليق