ايه ذنبي
كلماتي / زينب سالم
ايه ذنبي أنا اذا كنت إنسانة
شايلة ذنب كل أنثى آه يانا
احنا لسة في عصر الوأد وألا
برضه لسة قهر الجهل جوانا
من يوم ما اتخلق آدم ابونا
فضل ابليس قاصد بلانا
كنا لسة بنصلي و الزاد ولى
لسة الابالسة معانا ما سابونا
ابدا حوا ما خرجت آدم
ابليس اللي وسوس و عازم
يفرق بين سكان الجنة
ما هو شيطان و أصله خادم
و فضلت حوا و آدم نادم
بس كل اللي بأقوله كلمة
يا ناس افهموا أن البنت نسمة
لا عمرها عابت لكن كانت لخمة
مهما غلطت خافت و تابت
لكن انتوا حملتوها الصدمة
انا في الأصل إنسانة
بنت حوا و آدم و مش ندمانة
مهما العالم قسيوا علي
هأفضل أعافر لآخر دنيانا
أصالح الدنيا و اطبطب عالحزانا
لكن أبدا ما هأعيش غلبانة
ده الصبر صبري و علو قدري
إني أكون وسط الابالسة جمانة
النقي من جواه ما يحس مهانة
كلماتي / زينب سالم
٢٠١٧/٦/١٧
ليست هناك تعليقات:
إرسال تعليق